Өлең, жыр, ақындар

Бақыт қой бұл өмірге бір келгенім

  • 08.04.2022
  • 0
  • 0
  • 991
Бақыт қой бұл өмірге бір келгенім,
Дүние жанарынан нұр көргенім.
Көп ойлар сайрап жатыр көкейімде,
Көбіне көзім жетіп үлгермедім.
Алдымда бұлақ жатты шөл қанатын,
Теңіз жатты толқыны толғанатын.
Өзен жатты, алдымда жатты дария,
Құсымен жайды кұшақ көл қанатын.
Тереңдік тартты мені тұнған мұңға,
Шөл деген — мәңгілік шөл, бір қандым ба?
Көлге де шомылсам да жайды құшақ,
Дарияда жүзсем-дағы тұрды алдымда.
Көл, бұлақ, теңіз қанша нұрлы небір,
Дария, өзен қанша сырлы не бір...
Тұңғиық тереңіне сүңгісем деп,
Жағаңда, тік жарыңда тұрмын, Өмір!



Пікірлер (0)

Пікір қалдырыңыз

Жұлдыздарым жанып тұр түнгі аспаннан

  • 0
  • 0

Жұлдыздарым жанып тұр түнгі аспаннан
Ақынның не амалы бар сырды ашқаннан.
Жұлдыз-ай жарық ойлы өлең жазам
Тұмшалап жан-жағыңды мұң басқаннан.

Толық

Көкжиек

  • 0
  • 0

Қадамыңды қарыштап,
Бассаң дағы жаныштап,
Жеткізбейді көкжиек,
Жақындасаң алыстап.

Толық

Туған жерден қызғалдақ гүл жиюмен

  • 0
  • 0

Туған жерден қызғалдақ гүл жиюмен,
Ата-ананың алдында бас июмен.
Қимай-қимай қоштасты ғой өмірде
Балалығым мәңгі анамды сүюмен!

Толық

Қарап көріңіз