Өлең, жыр, ақындар

Сәулесінен күн басқа

  • 11.04.2022
  • 0
  • 0
  • 613
Сәулесінен күн басқа,
Бәйтеректен гүл басқа.
Бар әңгіме – әйелде,
Қыз бен Ана бір басқа.
Еркек біткен үңілет,
Әйел деген сүгірет.
Қыздың жайы – бір бөлек,
Ала жайы – құдірет.
Тәңірден соң, қолдасын,
Әйел – әйел болғасын.
Дұшпан кейде жауың да,
Досың, кейде жолдасың.
Билеп-төстер ордасын,
Әйел – әйел болғасын.
Еркектердің ол кейде,
Еңкейтеді зор басын.
Басыңа енді қонғасын,
Әйел-әйел болғасын.
Көтереді еркектің,
Еңкейгенде ал, басын.
Біле білсең, досым-ау,
Басты нәрсе – шошымау.
Біле білсең өмірде,
Еркектердің осынау,
Ынтықтасы – әйелде,
Бүркіт басы – әйелде.
Ұлы өмірдің осынау,
Пір тұтқасы әйелде!



Пікірлер (0)

Пікір қалдырыңыз

Бүгін бірінші ақпан

  • 0
  • 0

Бүгін бірінші ақпан,
Өлең қанатын қаққан.
Арман – болашақ шақтан,
Жүрек жылуын тапқан.

Толық

Менің әкем

  • 0
  • 0

Айтайын әкем жайлы сыр әуелі,
Қоңыр үн, қоңыр ырғақ — үні-әуені.
Жұмыстан оралғасын кешке қарай
Ауылдың шалдарының жырауы еді.

Толық

Жоғалған бір өлеңім, бір кітабым

  • 0
  • 0

Жоғалған бір өлеңім, бір кітабым,
Мен соны әлі күнге пір тұтамын,
Киелідей көремін не бар, не жоқ,
Жапырақ өлеңіммен, жыр бұтағым.

Толық

Қарап көріңіз