Өлең, жыр, ақындар

Мен сені сағынғалы күн қашан

  • 11.04.2022
  • 0
  • 0
  • 855
Мен сені сағынғалы күн қашан,
Өз-өзіммен іштей ғана сырласам.
Махаббаттың отына бір шарпылып,
Бұл дүние айналмай ма жырласам.
Мен сені сағынғалы сан күндер,
Бұлдыраған көгім – аспан, алдым – жер.
Сағынышпен самғағанда дүние,
Қыран дағы қос қанатым талды дер.
Мен сені сағынғалы сан күндер,
Бұлдыраған көгім – аспан, алдым – жер,
Сағынышпен самғағанда дүние,
Қыран дағы қос қанатым талды дер.
Мен сені сағынғалы сан бір ай,
Өте шықты күндер ояу, қалғымай.
Жүректегі алаулаған оттарым,
Сағыныштан қайта өртеніп жанды ма-ай.
Арман екен ақиқатпен кездесу,
Алыс-алыс сапар кешу, сөз кешу.
Сағынышпен бірдей екен қуаныш,
Қуаныштың ең үлкені – кездесу.
Бұл өмірде ойналық та, күлелік,
Баянсыздау ғұмыр барын білелік.
Бұл дүние сағыныштан құралған,
Қашан болсын сағынумен жүрелік.
Жүрегіңді жүздесіп гүл етермін,
Алыс кетсем мен мүмкін жүдетермін.
О, менің аманбысың сағынышым,
Сен барда мен өмірде тірі екенмін!
Қандай жақсы о, дүние, кеңдігің,
Аймалайын айым атып, кел, күнім.
Махаббаттан биік екен сағыныш,
Сағынышқа басымды идім мен бүгін!..
Айналса да асау тағдыр тірекке,
Сан адамдар жете алмаған тілекке,
Басымды идім сағындырған әйелге,
Сағынышты әйел еккен жүрекке!..



Пікірлер (0)

Пікір қалдырыңыз

Көкжиек

  • 0
  • 0

Қадамыңды қарыштап,
Бассаң дағы жаныштап,
Жеткізбейді көкжиек,
Жақындасаң алыстап.

Толық

Менің миым мәңгілік қозғалыста

  • 0
  • 0

Менің миым мәңгілік қозғалыста,
Бірінен бірі озған сөз жарыста.
Баянды болашақты барлай қалсам,
Қиялым жетелейді көзді алысқа.

Толық

Жаз өтіп бара жатыр қайда асығып

  • 0
  • 0

Жаз өтіп бара жатыр қайда асығып,
Қайтеді баяғыдай жайнаса үміт,
Көктемге бір сәт болсын қайта оралса,
Аспанға тастар ма еді айды асырып.

Толық

Қарап көріңіз