Өлең, жыр, ақындар

Лирикада бір сиқыр күш билейді

  • 13.04.2022
  • 0
  • 0
  • 451
Лирикада бір сиқыр күш билейді,
Оны жүрек қалай ғана сүймейді?!
Қолға түспес терісіндей еліктің,
Орап алып жан-жүректі илейді.
Лирикада бір сиқыр күш бар білем,
Жүрек қозғап, көзіңді арбар алдымен.
Бір сүйгеннен қайтып мойын бұрғызбай,
Лирикаға ғашық болдым мәңгімен.
Лирика - сиқырлы күш сазды әлем,
Сол лирика кенін мәңгі қазған ем,
Қаламымды өз қаныма батырып,
Лириканы жүрегіммен жазған ем.
Лирикада бір сиқыр күш құдірет,
Енді қайтып қайталанбас сүгірет,
Адамдардың ғұмырындай лирика,
Дүниеге келер бәлкім бір рет.
Лирика бұл сиқырлы күш жұмбағым,
Тіршіліктің қуанышын мұңдарын,
Өмірдің сан құпиялы сырларын.
Тылсым әлем, сүттей ұйып тыңдадым,
Тыңдадым да лириканың жұмбағын,
Жүрегімнің қаныменен жырладым.



Пікірлер (0)

Пікір қалдырыңыз

Шөл

  • 0
  • 0

Жырлауға көрмей қалай бата аламын,
Білмеймін қайда бастап апарарын.
Құм кешіп балтырыммен, құмда аунаған
Мен де бір перзентімін сахараның.

Толық

Абай қабірі басында туған ой

  • 0
  • 0

Бір Алатау жерленгенге ұксады,
Халқым тауын қалай ғана қиды екен?
Жұмыр жерді орап алған құшағы,
Тар қабірге калай ғана сыйды екен?

Толық

Түнмен сырласу

  • 0
  • 0

Түнге тіл біткенде,
Сырласып сыр бүккен бе?
Кеудесін ақтармайды,
Көрінген кім біткенге.

Толық

Қарап көріңіз