Өлең, жыр, ақындар

Испания түні

  • 13.04.2022
  • 0
  • 0
  • 558
Толқыныма толқын қосты көңілім,
Мазмұныма мазмұн қосты өмірім,
Испания түні маған сыйлады,
Қия алмайтын бір жұлдызын көгінің.
Қиялымен көзін жұмып қанша адам,
Айлы түнді армандаумен аңсаған,
Испания түнін сүйдім ең алғаш,
Жан-жағынан жұлдыздары самсаған.
Тұңғиық түн енгендей бір сағымға,
Теңіз толқын айналғандай ағынға,
Испания түні қалды жүректе,
Испания түні қалды жадымда.
Жүрегіме жыр да тұнды, күй тұнды,
Түні бойы қашырды бар ұйқымды,
Испания түні көркем көрікті,
Толып туған ай арудай сүйкімді.
Куә болып таудың басқан шыңдары,
Жүрек ұйып әнін әсем тыңдады.
Испания түні қалды мәңгілік,
Құпиялы ұлы өмірдің жұмбағы.

27 маусым 2014 жыл



Пікірлер (0)

Пікір қалдырыңыз

Сахара суреті

  • 0
  • 0

Көзбен кермей, білмейсің,
Сахараның суретін!
Өмір сүрмей, білмейсің
Сахараның құдіретін...

Толық

Мәртебелі әйел, сенсің

  • 0
  • 0

Мәртебелі әйел, сенсің бар бақыт,
Сені сүйіп келе жатыр таң да атып.
Сеніменен күллі өмір көркейіп,
Сеніменен ләззат алар жан жақұт.

Толық

Зауал, Тұлпар, Уақыт

  • 0
  • 0

Қанатымын жыр атты акиықтың,
Жаңа бетін ашатын тарихтың,
Танысалық, кел бермен келер ұрпақ,
Ақыныңмын!

Толық

Қарап көріңіз