Өлең, жыр, ақындар

Аппақ әлем шіркін деп

  • 14.04.2022
  • 0
  • 0
  • 747
Аппақ әлем шіркін деп
Көктен төмен бүлкілдеп,
Қар жауып тұр ақша қар,
Әрбір талы үлпілдеп.
О, Құдірет шебері,
Көктен жауып төгеді,
Аппақ көрпе алдыңда,
Жата кеткің келеді.
Бар ма әлемге не дерің,
Білдім аспан төгерін,
Жер Ананың қымтанған
Көрпесіндей көремін.
Дүние кең сыймайсын,
Таза әлемді сыйлайсын.
Алдыңда әсем қар жатыр,
Табаныңа қимайсың.
Аппақ қар ғой ақ мамық,
Көктен жауған бақ дарып,
Жатқандайын дүние,
Аспан ішін ақтарып.
Бұлғаңдайды күлкілі,
Ойнақтатпай түлкіні...
Маған бақыт сыйлады,
Қыстың әсем бір күні!..

24 наурыз 2014 жыл
Алматы шаһары



Пікірлер (0)

Пікір қалдырыңыз

Теңіз

  • 0
  • 0

Тартылды теңіз тартылды,
Біртіндеп суы сарқылды.
Шағала қойды шаңқылды,
Қаздары қойды қаңқылды.

Толық

Эксперимент

  • 0
  • 0

Дүниеге келген ғұмырдың
Алғашқы ана сүтін емгені де,
Еңбектеп ұлы өмірге енгені де,
Тәй-тайлап, қаз-қаз басып көргені де,

Толық

Олимпиада – Лондоннан сүйінші елім!..

  • 0
  • 0

Лондонда ізім сайрап, жолым қалды,
Лондонда мен отырған төрім бар-ды,
Олимпиада – Лондоннан сүйінші Елім,
Екі мәрте Елұран орындалды!..

Толық

Қарап көріңіз