Өлең, жыр, ақындар

Қосшы

  • 14.04.2022
  • 0
  • 0
  • 822
Айта берме тосты да,
Сабыр етіп, дос шыда.
Нұра өзені жанында,
Жатырмыз біз Қосшыда.
Болса дейтін берекем,
Батпағы мол жер екен.
Қосшы дейтін аулақта,
Елді мекен ел екен.
Жұлдызды аспан, түнің бал
Жүрегіме жылы үн бар,
Қосшы дейтін сол елде,
Маған ыстық бір үй бар.
Мағыналы мол үйде,
Сыр қазамын сол үйде,
Мәңгілікпен сырласып,
Жыр жазамын сол үйде.
Көкжал арман ұлиды
Жан-жүрегім жылиды,
Өлең үйі – осы үй деп,
Бағалаймын бұл үйді.
Қамшы арқамды осқандай
Жәрдем берер дос қандай,
Бәйгесіне өлеңнің,
Қосшы мені қосқандай!
Жүзіп терең бойлармын,
Мұхитында ойлардың.
Озып келсе Бәйге атым,
Қосшыда бір тойлармын!...

23 наурыз 2014 жыл
Алматы-Астана-Қосшы
Астана-Алматы



Пікірлер (0)

Пікір қалдырыңыз

Балықшының бір сәті

  • 0
  • 0

Тал түс еді, тас төбеден күн қызып,
Үйір-үйір үйрек-қаздар жүр жүзіп.
«Оқжетпесте» — сексен көлдің бірінде,
Балық аулап ермек еткем бір қызық!

Толық

Аппақ қырлар аспан берген несібе

  • 0
  • 0

Аппақ қырлар аспан берген несібе,
Мезгілінен жауса дағы кешіге.
Жауды дейсін шежіредей шешіле,
Қыс айының ілескендей көшіне.

Толық

Лондон түні

  • 0
  • 0

Лондон түні шырайлы,
Көңілің қайда құлайды.
Сағынды ма жүрегім,
Елді ойлап мұңайды.

Толық

Қарап көріңіз

Басқа да жазбалар