...ға

Көркіңмен көзім тартып арбамашы!
Жанымның күші қайтып, жалыны өшкен.
Дариға! Басқа қыздың көз қарасы
Қанша жыл қарайлатып, тандырды естен!
Сол бір сәт көңіліме бекіп серттей,
Ұмыттым дүниені сол үшін де;
Жалғанды тәрк еткендей, ел ішінде
Қайыршы, қаңғып жүрмін жетімектей.
Жолаушы түнде солай қалбалақтап,
Қияннан қалса отты көзі шалып,
Жетем деп дедектейді... тайғанақтап.
Құлайды тұңғиыққа өзі барып!..

---