Су перісі

1
Су перісі жүзді өзенде көк мөлдір,
Толықсып ай төбесінен төккен нұр;
Құлашымен толқынды кеп соғады, -
Ақ көбікті айға шашпақ болады.

2
Өзен шулап, дөңбекшиді гүрілдеп,
Бұлт суреті толқынында дірілдеп;
Су перісі ғажап әнді салады,
Әсем үні жаңғыртады жағаны.

3
Оның әні: "Түбін көрсең суымның
Жарқыраған сәулесі ойнап тұр күннің;
Жарысып жүр алтын балық андыздап,
Қалалар тұр хрустальдан салғызған.

4
Судыраған құмды жастап басына,
Көлеңкелеп көк өрімдер астында,
Жатыр сабаз толқын айдап әкелген,
Батыр екен келген мұнда жат елден...

5
Ынтық болып, түнде барып талай біз,
Ширатылған жібек шашын тараймыз,
Талай-талай, шаңырқап бір шаңқай түс,
Бетінен де, аузынан да сүйгенбіз.

6
Қанша сүйсең құмарланып, ләм демей,
Жатады құр суық, салқын, үндемей.
Жатады ұйықтап, бетін беріп төсіме,
Демін алмай, сыбырламай түсінде".

7
Деп ару қыз көк өзенде төкті өлең,
Көңілін қозғап әлденені көксеген;
Жатты жосып өзен суы гүрілдеп,
Бұлт суреті толқынында дірілдеп.

---