Өлең, жыр, ақындар

Төрт мезгіл

  • 07.06.2022
  • 0
  • 0
  • 3165
Көктем
Қыс қорқытса сездіріп ызғар барын,
Қысылмайды жап-жас боп көктем — дарын.
Жағып жатыр көк бояу оңды-солды,
Ол өнерде танытты өктем барын.

Жаз
Жадыратар жаз бәрін бірте-бірте
Жапырақты сарғайтар өңін сүрте.
Көк бояулар өзгеріп көп бояуға,
Гүл жеміске айналар өмір сүрсе.

Күз
Жаңбыр сыбап, осы кез жерге сіңбей,
Ойға тартар жыршының термесіндей.
Екі дарын еңбегін іліп жатыр,
Көк бояумен көп бояу көрмесі.

Қыс
Ей дарындар! Шырқа, тек құлап түспе,
Сақ бола көр, сенбеші, шырақ, күшке.
Суретті жек көрер діндәр қарттар,
Бояп шығар бір түнде, бір ақ түске.

Семей. 14.04.1995 ж.



Пікірлер (0)

Пікір қалдырыңыз

Енші

  • 0
  • 0

Еркіңнен тыстау асықсаң Сисем Атаға,
Рухы баба жол бастап саған жата ма?
Өрістеп ойың, бусанып бойың кетеді,
Алғандай малып, болмысты мейір, батаға.

Толық

Күн

  • 0
  • 0

Күн батты да, тірлік біткен тұншығып,
Қартаң тартты тұрған жайнап мың шыбық.
Көлеңкеге айналғандар азалы,
Қараңғыдан жатқандай, бір, мұң шығып.

Толық

Бас кәсіп

  • 0
  • 0

Зәтiм қазақ тамыры тереңдегi,
Әлiмсақтан мал бағып, жер өндедi.
Аңыз айтып, термелеп, жырлап өткен,
Кәсiбiнiң бастығы өлең бе едi?!

Толық

Қарап көріңіз

Басқа да жазбалар