Жазар кезде өлеңдi

Жазар кезде өлеңдi
тылсым жұмбақ күш кернейдi денемдi.
Бар айналам толып кетер жарқылға.
Дәл сол сәтте секiрсем
көк теңiзге мен егер
айналар ем ақ жал алып толқынға.
Өз-өзiмнен қайралып,
от боп жанам отыра алмай жайланып.
Дәл сол сәтте соқтығыссам бұлтпен
кетер едiм найзағайға айналып.
Дәл сол сәтте жүре аламын жолдарсыз.
Желге айналса сол күшiм
алау-алау болып бiр
ормандармен алысар ем армансыз...

---