Өлең, жыр, ақындар

Бұған ендi не дерсiң?

  • 12.06.2022
  • 0
  • 0
  • 576
Қонақ көрсем
Түңлiктей
Желпiлдеп тұратын халық ем.
Туыс көрсем
Желдi күнгi ағаштай
Елпiлдеп тұратын халық ем.
Досым өлсе
Ақ таяқ ұстап,
Ақ шүберек буынып
Еңкiлдеп тұратын халық ем.
Менiң елiме,
Менiң жерiме
Көн етiктерi қорпылдап,
Көне етектерi салпылдап
Бiреулер келдi.
Желпiлдеген түңлiгiмдi
Кесiп-кесiп
Ұлтарақ еттi.
Елпiлдеген көңiлiмдi
Көсiп-көсiп
Күлпара еттi.
Қолыма ұстаған
Қазалы таяғыммен
Өзiмдi сабады
(Тәңiрi оны
Түбiнде табады).
Қасыма
Мола қазып қойды.
Белiме буынған
Азалы ақ шүберекпен
Өзiмдi асып қойды.
Бұған ендi не дерсiң?!



Пікірлер (0)

Пікір қалдырыңыз

Картаға түспеген өзендер

  • 0
  • 0

Жоқ олар әлемдiк картада.
Шықпаған атағы асқақтап,
сыймаған тарылған масштабқа;
құмайттан, шөлейттен қашқақтап,

Толық

Өртеніп жатқан дала

  • 0
  • 0

Қалғандай бейне тоналып,
жүрегiм менiң жаралы –
Көрдiм мен отқа оранып
өртенiп жатқан даланы.

Толық

Фотоаппарат алдындағы бала

  • 0
  • 0

Бiр отырып, бiр тұрып,
асыр салып алқынған,
жүрдi балам жарқылдап,
томпаң қағып жүгiрiп

Толық

Қарап көріңіз

Басқа да жазбалар