Өлең, жыр, ақындар

Бізді билеп үйренгендерге

  • 20.06.2022
  • 0
  • 0
  • 730
Сендер бiздi
Табанға сап илегенсiңдер.
Соған үйренгенсiңдер.
Сен ендi бiлiп ал! –
Түк айта алмай
Именшiктеп
Бұққанды қойғам.
Жүзiңе қарай алмай
Төменшiктеп
Ыққанды қойғам.
Кезiнде сен
Бұтымды бұт,
Қолымды қол еттiң ғой.
Балымды желiм,
Жолымды сор еттiң ғой.
Тәуелсiзбiн!
Мен ендi зорлығыңа
Көне алмаспын.
Айтарымды айтпай
Өле алмаспын.
Мен ендi сенiмен
Бұрқыраған Атырауды
Көкiрек көңiлiме
Құйып алып сөйлесем.
Мен ендi сенiмен
Алатаудың бiр шыңын
Басыма бөрiк қып
Киiп алып сөйлесем.
Шамырқансам! –
Көңiлiмнен теңiз ақтарып
Тасқында қалдырам.
Бөрiгiмнен тас құлатып
Астында қалдырам.



Пікірлер (0)

Пікір қалдырыңыз

Түсініксіз хал

  • 0
  • 0

Бiткен-сынды сүйенетiн тiрегiм,
қан-сөлi жоқ сұп-сұр болып реңiм
ойдан қажып,
жүйкем тозып қалжырап

Толық

Бүгінгі экологиялық баллада

  • 0
  • 0

Қора менен сарайға
тыным бермей күн-түнi
өрiп кеттi тоғайда
шиебөрi бiр жылы.

Толық

Көштер

  • 0
  • 0

Өртеп күнi қақтаған
күңiрентiп даланы,
азаматын жоқтаған
көштер өткен қаралы!

Толық

Қарап көріңіз