Өлең, жыр, ақындар

Жылқы жылы

  • 20.06.2022
  • 0
  • 0
  • 649
Жылқы жылы келдi.
Көсiлiп шапқанда
Жердi қуырып жiберген, –
Шаңын көкке көтерiп
Кебектей суырып жiберген;
Бауыры
Даладай жазылған;
Тұяғы түскен жерлерi
Құланның етiн асатын
Ошақтай қазылған;
Алтайда кiсiнеген дауысы
Атырауға жеткен;
Тiптi
Атыраудан да өткен;
Оттай лапылдап,
Оқтай зулаған;
Мойнына
Құрық салдырмай тулаған;
Болат тұяқтары
Қарсы жатқан тастарды
Қамырдай илеп,
Бауырдай тураған;
Құйрығы
Өзендей созылып,
Жалы
Ормандай шулаған;
Қарсы келгеннiң
Құтын қашырам деп,
Атыңды асқақтатып,
Абыройыңды асырам деп, –
Жерiмдi
Дүбiрге толтырып,
Кеудемдi
Мың үнге толтырып, –
Жылқы жылы келдi!
Құт болсын!



Пікірлер (0)

Пікір қалдырыңыз

Қара түндей қара адам

  • 0
  • 0

Екi кештiң арасында
Қара киiнген
Қара түндей қара адам
Көшенi бойлап

Толық

Ойлар толғап терең менен әрiден

  • 0
  • 0

Ойлар толғап терең менен әрiден
несiне мен,
несiне мен желiгем.
Желiгемiн несiне мен жетiсiп.

Толық

Парк

  • 0
  • 0

Ағаш-ағаш —
бар айналаң ағаштар.
Ұшар басы көк аспанмен таласқан,
дүниемен,

Толық

Қарап көріңіз