Өлең, жыр, ақындар

Көктемгі сурет

  • 25.06.2022
  • 0
  • 0
  • 631
Түнімен жауған жаңбырдан
Дүние салбырап,
Басылып қалыпты...
Жердегі шалшықтар —
Жыртып- жыртып тастаған
Фотосуреттер секілді, –
Жапырақ- жапырақ боп,–
Шашылып қалыпты.
Жапырақ- жапырақ
Шалшықтың біреуінде
Төңкерілген аспан
Тұнып жатыр;
Біреуінде
Селтиіп тұрған
Шыбық жатыр;
Біреуінде
Бұтақта бүрісіп отырған
Торғай тұр;
Біреуінен
Тоқтап тұрған
Машинаның бейнесі көрінеді;
Біреуінен
Керілген жіптен алынбай қалған
Әлдекімнің жейдесі көрінеді.
...Бұлт түріліп
Аспанның бір шеті
Ашылып жатыр...
Жапырақ- жапырақ шалшықтар
Жыртылған фотосуреттер құсап
Қара жердің бетінде
Шашылып жатыр.



Пікірлер (0)

Пікір қалдырыңыз

Қанжар

  • 0
  • 0

Әрбiр сәтiн есептеп,
күнiн санап сөнбеген,
жатты бiр шал төсекте
ауру қысып меңдеген.

Толық

Іріткі

  • 0
  • 0

Жаза алмаймын ешқашан бүлiктi жыр.
Жаза алмаймын ешқашан қылықты жыр...
Жамбасына алам деп жаулар менен
Iштен шалып күн-түнi iрiткi жүр.

Толық

Құрғақшылық

  • 0
  • 0

Шалқып ағатын өзендерiм
Тартыла-тартыла
Инедей болып қалды.
Оқалы шапандай

Толық

Қарап көріңіз