Темірхан Медетбек

Бүгінгі психология

Бұл бетте «Бүгінгі психология» атты Темірхан Медетбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

25.06.2022
0
0
1193

Олай деймін,
Бұлай деймін, –
Өзімді кіл алдаймын.
Апыр-ай! –
Мұнысы қалай?!
Кірген жерімнен
Шыға алмаймын.
Шыққан жеріме
Кіре алмаймын.
Қаным қарайып,
Жаным қайғырады.
Өртеніп жатсам,
Біреулер
Бір қолымен –
Шығарып алмақ боп –
Тартып тұрып,
Екінші қолымен
Май құяды.
Түсінбей дал боласың,
Не анда жоқ,
Не мұнда жоқ
Сансырап сандаласың.
Бүгінде
Артық болсам да,
Кеммін.
Жақсы болсам да,
Жаманмын.
Өйткені
Жезөкшелері бір-біріне
“Бұзылғансың“ деп,
Ұрылары бір-біріне
“Ұятсызсың“ дейтін
Аяр заман бұл!

Темірхан Медетбек бүгінгі психология Темірхан Медетбек өлеңдері

Пікірлер (0)

Пікір қалдырыңыз

Жиі қойылатын сұрақтар