Пайғамбар жасы

Бұл бетте «Пайғамбар жасы» атты Темірхан Медетбек жазған діни тақырыптағы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

  • 25.06.2022
  • 0
  • 0
  • 836
Шүкір,
Көп нәрсені білдім,
Көп нәрсені көрдім...
Пайғамбар жасына да келдім.
Жайқалып кетем бе деп едім .
Найқалып кетем бе деп едім.
Оның орнына
Бойымның
Бір тұсы қуарды
Ойымның
Бір тұсы суалды.
Қожа Ахмет Иассауи секілді
Қылуетке кірсін деді ме
Нұрлан Оразалин мені –
Қамқорлығына рахмет! –
Жұмыстан шығарды.
Бірақ менің
Қылуетім жоқ қой.
Тіпті қылуетке кірердей
Қожа Ахмет Иассауи секілді
Құдіретім жоқ қой.
Сонан кейін
Өзімді өзім қылует етіп
Өзіме өзім тығылдым...
Содан бері
Ауызы бекітілген
Өзіме өзім тығынмын.
Бірақ мен
Мүлде
Тығылып қалғам жоқ.
Мүлде
Бұғынып қалғам жоқ.
Бәрі-бір
Ел ішіндемін,
Бәрі бір
Жер үстіндемін.
Кейде мен
Мына дүниенің
Бастан асқан
Зорлығын көре-көре,
Асып-тасқан
Қорлығын көре-көре
Құтырып
Қағынардай болам,
Бұрқ етіп
Жарылардай болам.
Білемін:
Бұдан былай да
Отқа түскендей
Күйіп өтем!
Пайғамбар жасында –
Иассауи болмасам да! —
Жер үстінде жүру
Бұрынғы кездерден
Әлдеқайда қиын екен.


Пікірлер (0)

Пікір қалдырыңыз

Жиі қойылатын сұрақтар

Пайғамбар жасы өлеңінің авторы кім?

Темірхан Медетбек — осы өлеңнің авторы.

Пайғамбар жасы өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Пайғамбар жасы өлеңі не туралы?

Бұл шығарма діни тақырыптағы өлең ретінде танымал. Өлеңде автор өз ойын көркем түрде жеткізеді.

Пайғамбар жасы өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері