Өлең, жыр, ақындар

Бір машина бұлт

  • 26.06.2022
  • 0
  • 0
  • 607
Түсімде кілең
Аталас досым
(Сүйілшіш бабадан тараймыз),
Парталас досым
Өзімнің Сеңгірбайым
Шөп сияқты артып
Бір машина
Бұлт алып келеді.
(О, құданың құдіреті,
Сол кезде маған
Сиқырлы бір
Шабыт келеді.)
Сонда да бәрі бір
Сеңгірбайды—
Мынауың не деп! –
Сөзбен қағытып
Түйреп күлем.
Сеңгірбай сұстанып:
Былай дейді:
“Бұл бұлтты
Нұртас ауылы
Аспаннан аударып
Сен үшін
Тиеп берген.”
Сонан соң мен
Сеңгірбай әкелген
Бір машина бұлтты
Үйіме тасып жатамын.
Арасынан шыққан
Бұлқынған
Қып-қызыл найзағайларды
Бауырыма
Басып жатамын...
Ауылдан келген
Бір машина бұлт...



Пікірлер (0)

Пікір қалдырыңыз

Сағыныштан сартап болып үздiккен

  • 0
  • 0

Сағыныштан сартап болып үздiккен,
күз де келдi мамыражай түстiкке.
көл,
тоғайын,

Толық

Доп

  • 0
  • 0

Бұл заман —
Доптың заманы!
Бүкіл әлемде
Доптың ойыны

Толық

Шегірткелер

  • 0
  • 0

Ойлаумен әрбiр сағат, әр күнiмдi
ар жылап, жүрек күйiп жан бүлiндi...
Бұлт болып шегiрткелер қаптап ұшып
жалмауда астығымды, шалғынымды.

Толық

Қарап көріңіз