Өлең, жыр, ақындар

Жел

  • 26.06.2022
  • 0
  • 0
  • 666
Шалғыдай өткір
Мына бір жел
Ызбарлы жүзімен
Кетердей орып бір...
Бірде теріскей,
Бірде батыстан
Толассыз соғып тұр.
Метеорологтарға да
Белгісіз —
Бұл желдің
Шыққан тегі мен
Анық дерегі.
Әйтеуір күн сайын
Өте қатерлі
Бір циклон соңынан
Бір циклон
Алып келеді.
Дала мен тауларым
Шаңға көміліп
Жұтылып барады.
Ормандарымның
Шаштарын жұлып,
Өзен-көлдерімнің
Беттерін тырнап
Күн өткен сайын
Құтырып барады...
Дүние
Бұйығып алыпты
Басын көтермей!
Осы бір жел
Онсыз да айра-жайра
Алып Қазақстанның —
Етегін көтеріп! –
Ұятты бір жерін
Ашып кетердей...
Қалай қымтасам екен?



Пікірлер (0)

Пікір қалдырыңыз

Волейбол

  • 0
  • 0

Төзiмдi қамап қамалға
өзiңе ендi абай бол!
Алақандай алаңда
қызады келiп волейбол.

Толық

Бақыт құсы

  • 0
  • 0

Бiз осы
Төбемiзде айналып ұшқан
Бакыт құсымызды
Қондырмай жүрген жоқпыз ба?!

Толық

Қорқыныш

  • 0
  • 0

Жаным жасып,
Көңiлiм қобалжып қалған.
Не нәрседен де
Жасқанатындай.

Толық

Қарап көріңіз

Пікірлер