Өлең, жыр, ақындар

Құмдағы жазулар

  • 17.01.2022
  • 0
  • 0
  • 439
Құм бораны соққанда
Құйындаған,
Кезі бар ма
Қиыршық суырмаған?
Басқа орынға
Оп-оңай аударады,
Үрлеп қалса болғаны,
Бұйым ба оған?!
Сусыма құм,
Тағдырың қиын маған...
Ғұмырыңа
Өмірден сыйың ба алған,
Таңдайыңа
Тамшы су бұйырмаған.
Жаңбыр сұрап
Кеудесі сырылдаған,
Шөлейтті құм,
Тағдырың қиын маған...
Етек-жеңі далиып жиылмаған,
Күні бойы өртеніп, суынбаған.
Жонын тосып
Аптапқа, аңызаққа,
Күннің нұрын,
Шуағын жиі ұрлаған,
Бұйрат құмдар,
Тағдырың қиын маған...
Жан-жануар, жәндігің қыбырлаған,
Айқұш-ұйқыш із салып шиырлаған,
Күндіз-түні жазады
Құм-кітабын,
Тірлігінің баяндап сырын маған...



Пікірлер (0)

Пікір қалдырыңыз

Риза бол, баба!

  • 0
  • 0

Тас жетім бала...
Ал, оған пана
Алдашбай ахун ашқан медресе.
Тас жетім бала...

Толық

Әулие бұлақ

  • 0
  • 0

Сәлем жолдап самала таң атынан,
Жан-жағына ғажайып таратып ән,
Тұнығыңа құлайды
Нәзік сәуле,

Толық

Жапырақ – жырым

  • 0
  • 0

Құны қалмай қара бақыр,
Сұлулықтың сағы сынды.
Саудагер – күн санап жатыр
Жырымды емес, табысымды.

Толық

Қарап көріңіз