Темірхан Медетбек

Қапалану

Бұл бетте «Қапалану» атты Темірхан Медетбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

26.06.2022
0
0
751

Мына Уақыттың
Қара суықтай
Қысуын-ай...
Жанымды қозғап,
Жүрегімді суырып
Айтқан сөздерімнің
Қураған жапырақтардай
Желменен ұшуын-ай.
Ол сөздер
Білгенге! —
Кіретін сөздер еді
Кісілік баптарына...
Қайтейін! —
Енді, міне,
Қураған жапырақтардай
Аяққа тапталуда.
Ол сөздер —
Өртең жерімнен
Өніп шыққан
Желкілдеген
Өркен еді...
Енді олар
Қураған жапырақтармен,
Қоқыстармен,
Қоқымдармен бірге
Өртенеді...

Темірхан Медетбек қапалану Темірхан Медетбек өлеңдері

Пікірлер (0)

Пікір қалдырыңыз

Жиі қойылатын сұрақтар