Өлең, жыр, ақындар

Май көркі

  • 06.06.2019
  • 0
  • 0
  • 1393
Май көркі сұлу сырға таққандайын,
Ән-күйге орман, тоғай батқандайын.
Күн нұры жер бетіне шашып шұғыла,
Көмкеріп ақ күміспен жапқандайын.
Шығыстың шымылдығы ысырылып,
Алтын таң нұрын шашып атқандайын.
Балбырап жасыл бүліс, көк өсімдік,
Құлпырған алтайымен мақпалдайын.
Жайдары осы майдың көрінісі
Қиялын жүрегімнің тапқандайын.
Майға ән сап, Әсеттейін әсемдетіп,
Жамбылша жыр бұлағын ақтарайын.
Елімнің көз салайын ой-қырына
Өмірдің көңіл қойып шын сырына.
Шат халық, бақытты елдің думан тойын
Желі ғып алтын арқау мен жырыма.
Майға біз әсем әнмен, үнмен келдік.
Жеңгендер съезімен, гүлмен келдік.
Жаңа салт, жаңа табыс, жаңа өндіріс
Жаңарған еткен майдан түрмен келдік.
Өмірдің ең шыңында тұрғанда елім
Ағылмай қалсын неге жырым менің.
Сондықтан тойға арнап төгілтейін
Шығарып дүкенімнен жырдың кенін.

Май 1939



Пікірлер (0)

Пікір қалдырыңыз

Жұмбақтар

  • 0
  • 0

Баласы бар жүз мыңдап,
Сүтсіз бірақ емізед.
Мұндай ана көріп пе ең?
Өмірге шексіз тым керек.

Толық

Ер жеткенде

  • 0
  • 0

Ер жеткенде есейіп,
Ер болмасқа немене!
Ерке өсіп, білімді
Кен болмасқа немене!

Толық

Алтын бұлақ

  • 0
  • 0

Суы бал, түрі көркем алтын бұлақ,
Көгі күн, негізі өмір жанған шырақ.
Кіршіксіз кристалдай сыры терең,
Өмірдің кілтін соққан астам шындап.

Толық

Қарап көріңіз

Басқа да жазбалар