Өлең, жыр, ақындар

Көктемгі көңіл-күй

  • 29.06.2022
  • 0
  • 0
  • 1302
Көктем.
Аялдама.
Жалғызбын.
Үміттің
Біреуін көктетіп,
Біреуін жанғыздым.
Жалғызбын.
Келіп ем —
Шөптерде сусылдап
Моншақтай мөлдіреген
Кешіп шықты.
... бір кезде
Тұла бойымнан
Жап – жасыл
Жапырақтар
Өсіп шықты.
Табанымның астынан
Тамырлар таралып
Қара жерге
Сіңіп бара жатты.
Бір қапталымда
Алатау,
Бір қапталымда
Қаратау,
Бір қапталымда
Алтай тау,
Ал алдымда
Маңғыстау,
Көкшетауды көтерген
Дала жатты.
Қозғалсам —
Жапырақтарым
Сыбдыр-сыбдыр етеді.
Саумал самалдар
Желпіп-желпіп өтеді.
Айқай, көктем-ай,–
Шуаққа шомылып
Маужыраған қалпында
Аспады да саспады.
... мені бір
Жапырағы төгілген
Ағаш деп ойлаған
Бір топ құстар
Жапырлап
Кеудеме қонып
Ұя сала бастады...



Пікірлер (0)

Пікір қалдырыңыз

Базар болып кеттi барлық тұстарым

  • 0
  • 0

Базар болып кеттi барлық тұстарым
Бәрi де дос,
жоқ дәл қазiр дұшпаным.
Туған жерге келе жатыр алыстан

Толық

Мен қазiр кіммін?

  • 0
  • 0

Мен қазiр
Қоғамның омырауынан
Үзiлiп түскен түймемiн.
Көзi сынған инемiн.

Толық

Таусылу

  • 0
  • 0

Ақтарылып тасыдым! –
Қара жартасты
Алып кете алмадым.
Көлденең жатқан

Толық

Қарап көріңіз

Басқа да жазбалар