Өлең, жыр, ақындар

Менің республикам

  • 09.07.2022
  • 0
  • 0
  • 1539
Талай ақын сәулетіңді толғаған
Жыр жұлдызы болдың, Қазақстаным,—
Жүректе ел қуанышы ойнаған,
Еркін Отан туын бірге ұстадың!
Қай қырыңа, қай шоқыңа шықсам да,
Еркелетіп, мені есімде құшқаның!
Аймағыңның қай шетінде жатсам да,
Жырыма арқау болдың, Қазақстаным!
Көз жіберсем толқынына Каспийдің,
Шыңдарына Талғардың, не Алтайдың,—
Көркіңді елім жырласа да тасқынды үн,—
Жеткізе алмай жатқандығын байқадым.
Елім биік көтерді, кең кеудесін,
Отандағы екпінімен өр күштің,
Ильич шамы төкті қырға сәулесін
Көкшіл бұйра толқынынан Ертістің.
Бейбітшілік өмірдің сан солдаты,
Қырға қала орнатты еркін қолымен,
Халқымыздың әлемге әйгі болды аты,
Ленин өзі салып берген жолымен.
О, данышпан партиямыз! Елімді —
Нұрлы жолға өзің бастап нұсқадық.
Жырым менен жүрегімді мейрімді
Тартам саған туған, Қазақстаным.

1956



Пікірлер (0)

Пікір қалдырыңыз

Коммунизм таңында

  • 0
  • 0

Қақ, барабан, қақ, барабан, дабыл қақ!
Соқ, сигнал, саңқылдата күйің тарт!
Күшті майдан
Істе майдан.

Толық

Әлемге ана

  • 0
  • 0

Әлемге ана, төсін керген кәрі жер,
Жалаңаш қар, әппақ тәнін қыста көр.
Жылт-жылт... жұлдыз толған алтын моншақ па
Аспан-көктей қалпағына тізгендер.

Толық

Ит жүгіртіп аң аулау

  • 0
  • 0

Байдың бақташы әне бағып жүр,
Кейде, есінеп, тоқылдағын қағып жүр.
Күздің желі лебін мұңайып жай есілген,
Кек пен қиыр қырға күңгірт түсірген.

Толық

Қарап көріңіз