Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Атом заманы

Тайыр Жароков

Атом заманы

  • 10.07.2022
  • 0
  • 0
  • 820
Қожасындай уақыттың
Бейбіт елім бейнесі,
Мұзын тіліп мұхиттың
Жүзді Ленин кемесі.
Алатауға жанарын
Аударса бір ай күліп,
Алтын балға орағын
Аймағым тұр айға іліп!
Көрсең қыран серіні
Ұшқан тауға өрмелеп,
Зырлады жер серігі
Жерді айнала дөңгелеп.
Аршындаса аспанда
Ақ көгершін еркелеп,
Мақтанамын достарға
Мініп ұшқан вертолёт!
Адамымыз даланы
Алақанға ойнатып,
Басталды атом заманы,
Әлем ойын оятып!
Күндерде алғы келелі
Шығып бір дем алысқа,
Өлең жазғым келеді
Ұшып барып Марсқа!

1960

Тайыр Жароков атом заманы Тайыр Жароков өлеңдері

Пікірлер (0)

Пікір қалдырыңыз

Сөнбес жарық

  • 0
  • 0

Күн шықпай ма орнынан?
Таң арайлап атқанда,
Оны сөнді дер ме адам,
Көкжиекке батқанда

Толық

Тұтқын

  • 0
  • 0

Күнбатыста көрем бұлттың түнеуін,
Көгінде ай жоқ... қайғылы түн түнегін.
Сол түнекте, қанды жасы кел болып,
Қандай ғана жан жылауда білемін;

Толық

Қызыл алма

  • 0
  • 0

Атақты Алматыда қызыл алма,
Бір татсаң дерсің дәмін уыз бал ма?
Алқызыл алқа таққан алма бағын
Тұрамын көрген сайын қызығам да.

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер