Тайыр Жароков

Атом заманы

Қазақша өлең мәтіні, өлең жолдары және толық нұсқасы.

10.07.2022
0
0
935

Қожасындай уақыттың
Бейбіт елім бейнесі,
Мұзын тіліп мұхиттың
Жүзді Ленин кемесі.
Алатауға жанарын
Аударса бір ай күліп,
Алтын балға орағын
Аймағым тұр айға іліп!
Көрсең қыран серіні
Ұшқан тауға өрмелеп,
Зырлады жер серігі
Жерді айнала дөңгелеп.
Аршындаса аспанда
Ақ көгершін еркелеп,
Мақтанамын достарға
Мініп ұшқан вертолёт!
Адамымыз даланы
Алақанға ойнатып,
Басталды атом заманы,
Әлем ойын оятып!
Күндерде алғы келелі
Шығып бір дем алысқа,
Өлең жазғым келеді
Ұшып барып Марсқа!

1960

Тайыр Жароков атом заманы Тайыр Жароков өлеңдері

Пікірлер (0)

Пікір қалдырыңыз

Жиі қойылатын сұрақтар