Өлең, жыр, ақындар

Талану

  • 14.06.2022
  • 0
  • 0
  • 648
Жан-жағымнан талады.
Талады!
Бiреуi –
Жүрегiмнiң тұсынан! –
Инесiн тықты.
Бiреуi –
Аш бүйiрiмнен! –
Бiзiн сұқты.
Сонан кейiн
Тiлiн сұқты.
(Тiлiн сұққан жерден –
Қан аралас –
Iрiң шықты).
Бiреулер –
Сұп-суық
Тiкенек көздерiмен! –
Шабақтап кеттi.
Тiлiм аузыма сыймай
Салақтап кеттi.
Қаштым!
Алдымдағы ағаштарды –
Шыбық құрлы көрмей! –
Жапырып қаштым.
Дүниенi
Басыма көтерiп –
Бар даусыммен! –
Ақырып қаштым.
Жан дүнием –
Шырқырап! –
Зар қақты.
Тұла бойымды –
Жауындай сорғалаған –
Қан жапты.
Аяғымның
Астына қарамай –
Шоқ пенен шөңге демей! –
Басып келемiн.
Ара талаған
Аюдай қорбаңдап
Қашып келемiн!



Пікірлер (0)

Пікір қалдырыңыз

Затаевич

  • 0
  • 0

Қарамастан желiне де заманның,
шарлап кезiп тау мен тасын даламның
арып-ашып,
шаршап-талып шалдығып

Толық

Дау

  • 0
  • 0

Өрт сияқты көзi жоқ,
мен бiр сұмдық дау көрдiм,
тоқтам айтар сөзi жоқ
iштен шыққан жау көрдiм.

Толық

Домбыра

  • 0
  • 0

Жатқан кезде түн мен жарық арбасып,
жатқан кезде жұрттың бәрiн дарға асып
қаймықпастан айтқаны үшiн шындықты
көмейiне құйған оның қорғасын.

Толық

Қарап көріңіз