Өлең, жыр, ақындар

Рица

  • 10.07.2022
  • 0
  • 0
  • 574
Ғажайып бір көл екен
Кавказдағы Рица!
Кім көріксіз дер екен
Сұлулығын бір ұқса?!
Көктен құлап құйылған
Көз жасындай Қазбектің, –
Тауға сыры ұғылған
Көлді көрмес іздеп кім?
Шалмасын деп көзін күн,
Киіп толқын жасылдан,
Көз әйнегін теңіздің
Секілді тау жасырған.
Суға кетіп, я асыл
Бір мұңды ару кезі кеп,
Көл дөңгелек жап-жасыл
Қалған ба қыз кезі боп?..
Рица өзі қыз аты,
Мұнда алуан сыр жатыр,
Көл боп жеткен бізге аты,
Толқынында жыр жатыр...
Бірақ ұқсас ғажап тым, –
Көз алдымда тұрғандай,
Есік келін қазақтың
Осында әкеп қойғандай!
Кавказ шыңын өрлесең,
Көл көркейткен шат-құзды,
Рицаны көрмесең, –
Көрдім деме Кавказды!



Пікірлер (0)

Пікір қалдырыңыз

Болат балға

  • 0
  • 0

Көк құрыштан болат балға құйылған,
Алғыр алмас тегеуірінді бұрыннан.
Шын еңбектің шым-шым қайнап суына,
Суарылып қорытылған қиыннан.

Толық

Саған сәлем, туған ел

  • 0
  • 0

Төбесі күміс жамылған,
Кеудесі күнге шағылған,
Кек шатырлы Алатау —
Көк шаңырақ ақ отау,

Толық

Сенің жырың, Тоқтағұл

  • 0
  • 0

Кітабыңды оқыдым,
Жырларыңды жаттадым,
Ұнатып сөзің нұсқасын
«Тоқтағұл» деп мақтадым.

Толық

Қарап көріңіз