Өлең, жыр, ақындар

Қодар күліп тұр

  • 10.07.2022
  • 0
  • 0
  • 621
Таң азаннан талпынып,
Еркелеп, ойнап дыңылдап.
Көк майсада бір адам
Пішен шауып зырылдап.
Құлаштап талмай сілтейді,
Сілтесе орақ шыңылдап,
Жалтылдап жылжып кетеді,
Шөп астында сырылдап;
Төңкерілген жапырлап,
Жығылып тепсең суылдап.
Мамығы мамық майысқан,
Шапқандайсың қызығып.
Өткір орақ сыпырады,
Ұстарадай жүзі іліп:
Орақшының еттері
Бөлек-бөлек үзіліп,
Шапқан жердің шалғысы
Сымдай болып сызылып.
Көгенделген қозыдай,
Көпені жатыр тізіліп.
— Бұл кім?
— Бұл ма? Қодар-құл,
Құрышты қуат қол күші.
Байдың қыстау, тепсеңін
Үлеске алып, онды ісі.
Күшікбайдың тепсеңі
Шауып жатқан «нормысы»
Мамығы майда оралған
Жердің бір шүйгін жондысы.
Таңдаулы жер алдымен
Кедейлерге тиіп тұр.
Шұрайлы жерді жалшы алып,
Амалы байдың құрып тұр.
Үкімет өзін жақтайды,
Батырақ бәрін біліп тұр.
Екі езуі құлақта
Миықтан Қодар күліп тұр.

1927



Пікірлер (0)

Пікір қалдырыңыз

Тоңған ай

  • 0
  • 0

Қысқы түнде жалтырап
Тоңғандай бейне қалтырап...
Жымия қарап аспанда ай —
Жігітін қыз тосқандай

Толық

Менің далам

  • 0
  • 0

Даламның көктем туа тау, қырлары
Жаңғырып, жазда қай гүл жарылмады,
Шөп түбі саусақтардың саласындай
Жерде алыс жатыр терең тамырлары...

Толық

Миллиард

  • 0
  • 0

Миллиард деген ірі сан,
Жеңіл — айтар ауызға.
Салмағын оның орасан,
Жеңіл деп айта алам ба?!

Толық

Қарап көріңіз