Өлең, жыр, ақындар

Грузин қызы

  • 11.07.2022
  • 0
  • 0
  • 745
Көктің туған айындай,
Киіктің құралайындай,
Саяда өскен сұлуды,
Ерке — Кура өзені,
Еркелеткен өз елі
— Балғындатқан бүгінгі.
Бұрым, бұрын, бұрын да:
Грузия, Кавказ, Қырымда
Грек мұрын, қара көз
Іркіп жасын тия алмай,
Жазылып еркін тұра алмай,
Құрулы торға болған кез.
Бұрын, бұрын, бұрында:
Зұлым заңның торында
Байлаудағы бұлбұлдай,
Сүйгеніне бара алмай,
Жаны ләззат ала алмай,
Мұңға батқан қырында...
Бүгін, бүгін, бүгінгі
Сылаңдаған сұлуды
Қарасам құмар қандырған,
Төңкерілген Еселей
Кеудесі күміс кеседей,
— Төсінен жұлдыз жандырған...
Бүгін, бүгін, бүгінгі
Грузия сұлуы,
Құстай ұшқан көгінде,
Қызғалдақтай құлпырып,
Қанат қаға ұмтылып,
— Гүл алсай наган жерінде.
Таң боп атқан адамға,
Біздің нұрлы заманда,
Ұл да, қыз да бақытты,
Қанған мейір құмары,
Махаббаттың шынары
Аспанға гүл атыпты!..

1937



Пікірлер (0)

Пікір қалдырыңыз

Тірі жанға ой қоғзап

  • 0
  • 0

Жарыса сұлу көктеммен
Жарқырап туар Май айын
Жұртпен бірге күткем мен
Гүлін Майда даланың.

Толық

Орылмаған алқап

  • 0
  • 0

Құстар қайтты, тұрды кешеу қоңыр күз,
Жап-жалаңаш орман-тоғай, құла дүз.
Жасыл егін орылмаған бір алқап...
Көңіліңе ой салады жабырқап.

Толық

Қайраттанбай тұрам ба?

  • 0
  • 0

Қуатыма құрсанған
Құлатам, деп бусанған,
Жаудың қолын көргенде,
Қынаптан қылыш сермеуге,

Толық

Қарап көріңіз