Өлең, жыр, ақындар

Қобыз-жүрек

  • admin
  • 27.12.2023
  • 0
  • 0
  • 584
Қобыз үнін тыңдашы, керемет қандай,
Ғасырларды қиялмен аралатқандай.
Қорқыт бабам оралып көне заманнен,
Желмаясын желдіртті келе жатқандай.
Бүкіл дала боздаса бозінгендей бір,
Бауыр еті қазақтың езілгендей бір.
Қобыз-жүрек қайғысын сезінер кім бар,
Аққу құстың жүрегін сезінгендей бір?!
Көне сазы қазақтың асқақ армандай,
Әлдиінен бесіктің бастау алғандай.
Қозы Көрпеш – Баянның зарын оятып,
Махаббаттың жанарын жасқа малғандай.
Бабалардың жан сыры бізге жеткендей,
Алмасады бұл өмір күз бен көктемдей.
Жүрегінен адамның жылу іздейік,
Асан қайғы Жерұйық іздеп өткендей.



Пікірлер (0)

Пікір қалдырыңыз

Арпалысқан ессіз тобыр

  • 0
  • 0

Күміс тиын жылтыраса арасынан қоқырдың,
Екі көзі шамдай жанар сығырайған соқырдың.
Арпалысқан ессіз тобыр елең етіп еңкеймес,
Алтын басың домаланса астында ойран­топырдың.

Толық

Көктем

  • 0
  • 1

Ғажайып нұрға бөккен тіршілік бір,
Тұрғандай төсегінен сілкініп қыр.
Жауқазын қара тасқа көрік беріп,
Дүние күн көзіне ынтығып тұр.

Толық

Суық ызғар соғады

  • 0
  • 0

Суық ызғар соғады дөдегемнен,
Көнбіс едім көк қайыс не деген мен?
Бөбегімнің мұздайды қол­аяғы,
Орап­шымқап бесікке бөлегенмен.

Толық

Қарап көріңіз