Өлең, жыр, ақындар

Алдай сал

  • admin
  • 27.12.2023
  • 0
  • 0
  • 353
Сарсаңға салған сұм жалған,
Болмады дейсің кімге арман?
Күрсінер күзгі жапырақ,
Бүршікті көрсе бүр жарған.
Тиянақ таппай көңілге,
Күндерім қанша мұңданған.
Жынданып кетсем таңданба,
Тағдыр ғой қалған Біржаннан.
Ойнаған қызыл отпенен,
Өзімді кейде жек көрем.
Жалт ете түсті бір сағым,
Жасымда қуып жетпеген.
Тәтті едің неткен, жастық шақ,
Таңдайдан дәмі кетпеген?
Жауқазын болғам мен­-дағы,
Жамылып қарды көктеген.
Сарғайып жасыл маңайым,
Сары уайым түсті ептеген.
Жылытам тоңған жүректі,
Іштегі қалған шоқпенен.
Базарлы, шулы дүние
Басынан кімнің өтпеген?..
Өкшесі қатты тіршілік
Өзектен кімді теппеген?..
Соны ойлап мынау ғаламға
Қараптан-қарап кектенем.
Тонатып нәзік жанымды,
Сүрдім бе ғұмыр текке мен?..
Түсінсең сөздің астарын,
Ұғарсың жайды көптеген.
Шіркін­ай, шерлі кеудеме
Үңілер кім бар деп келем...
Айыпқа, қалқам, бұйырма,
Ақын жоқ сырын төкпеген.
Алдай сал сәби жүректі,
Маңдайдан сипап еппенен...



Пікірлер (0)

Пікір қалдырыңыз

Мұхтар аға

  • 0
  • 0

«Мұхтар аға, мықтар аға ерен», – деп
Кеше Қасым толғаныпты тереңдеп.
Әр толқынның өз Мұхтары өзіне,
Мен де жүрдім көптен бері елеңдеп.

Толық

Биік болса...

  • 0
  • 0

Шын жүйріктің естілер ел шетіне дүбірі,
Көк есектің адымы ашылмайды ғұмыры.
Толып жүрген шық бермес Шығайбайлар ішінде,
Атымтайы жігіттің Амангелді Дінұлы!

Толық

Мен бар жерде сен барсың

  • 0
  • 0

Туғаннан соң тірлік ортақ жаманға да, жақсыға да,
Дулы ортада, шулы ортада көптен бері жоқсың, аға.
Бір сапарға аттандың да қайтпай қойдың сол бетіңнен,
Дастарханда қалды суып сені күткен көп сыбаға.

Толық

Қарап көріңіз

Басқа да жазбалар