Өлең, жыр, ақындар

Көкжендет

  • admin
  • 03.01.2024
  • 0
  • 0
  • 957
Көкжендет көк аспанды тілгілеген,
Аңыз бар салса алтайы ілді деген.
Қайырып қансонарда қалықтатқан,
Ақандай қайда шіркін бұлбұл өлең.
Көкжендет, болат топшы, мұзды балақ,
Сүрен сап шүйлігіпсің құзды қарап.
Пау-паулап жерде сері жем беріпті,
Әр алған алтайыңа жүзді балап.
72
73
Көкжендет, көп к
өрдім деп қызығыңды,
Қоштасып қимай Ақан жүзі мұңды.
Сыпырып еркіндікке жіберіпті,
Томаға топшы таймас жүзігіңді.
Көкжендет, тұғырың алтын маржан баулы,
Деп Ақан тербеткенде орман, тауды.
Иеңді іздеп сен де шарладың ба?
Алатау, Алтай, Арқа, Атырауды?
Аң қаңғып ақбас таудың құздарынан,
Егесіз мертіктің бе дүз тағынан.
Кеудеңді тасқа соғып өлдің бе әлде,
Кеудеңді боран желпіп, мұз қарыған.



Пікірлер (0)

Пікір қалдырыңыз

Түрім де барады ескіріп

  • 0
  • 0

Түрім де барады ескіріп,
Күнім де барады кешкіріп.
Үгумен, мүжумен келеді,
Өмірдің толқыны төске ұрып.

Толық

Шексіз қиялым-ай, шексіз ғаламды шарлаған

  • 0
  • 0

Шексіз қиялым-ай, шексіз ғаламды шарлаған,
Тіршілік тозаңы болып тұңғиығыңда қарманам.
Жансыздарға әр беріп, жандыларға нәр берген,
Құдіретіңе, бір Алла, басымды иіп таң қалам.

Толық

Мүсілімге

  • 0
  • 0

Төле бидің түлегі Мүсілімім,
Төле баба секілді кісілігің.
Ер танылар кебенек ішінде де,
Саған жаннат қажет пе ішігіңнің.

Толық

Қарап көріңіз