Шөмішбай Сариев

Сәлем саған туған ел

Бұл бетте «Сәлем саған туған ел» атты Шөмішбай Сариев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

admin
16.02.2024
0
0
2164

1. Сыр бойындай баулардан,
Алатаудай таулардан,
Сарыарқадай даламнан,
Теңіз Каспий, Аралдан,
Баян сұлу, Жібектей,
Төлегендей түлектей,
Ұл-қызы бар елімнен,
Жұлдызы бар жерімнен,
Сәлем саған, туған ел!

Қайырмасы:
Аспаны бір, күні бір,
Жұлдызы бір, түні бір,
Арманы бір, сыры бір,
Даласы бір, гүлі бір,
Сәлем саған, туған ел!

2. Ұлы тойдай ұлы ісім,
Жаралған ел, жыр үшін
Сырда сұлу күрішім,
Қырда бидай ырысым.
Миллиардтай алтын дән,
Миллиардтай бар тұлғам,
Жыршы, жырау салтымнан,
Әнші-күйші халқымнан.
Сәлем саған, туған ел!

Қайырмасы.

3. Туған бақыт таңы алдан,
Таңы нұрдан жаралған.
Байқоңырдан ғарышқа
Қанат қаққан сан арман.
Қазақ деген даламнан,
Аруақты бабамнан,
Ардагерім әкемнен,
Ақ жаулықты анамнан,
Сәлем саған, туған ел!

Қайырмасы.

Шөмішбай Сариев Туған жер туралы өлең сәлем саған туған ел Шөмішбай Сариев өлеңдері

Пікірлер (0)

Пікір қалдырыңыз

Жиі қойылатын сұрақтар