Өлең, жыр, ақындар

Қол бұлғаймын достарыма көктегі...

  • admin
  • 22.04.2024
  • 0
  • 0
  • 352
Қол бұлғаймын достарыма көктегі,
Құс біткеннің бәрі маған өкпелі.
Өкпелеңдер, мейлің, мейлің ренжіңдер,
Жат көрмеңдер, жеккөрмеңдер тек мені.
Қалай күлем кірпігімде мұз барда,
Қолтығымнан демейді кеп жүз қарға.
«Ұшамын» деп, уәде бергем былтыр мен,
Қанаты бар бақытты анау құстарға.
Жапыраққа сыбырлаған жел еді,
Сарғайды ғой, біледі ғой өледі...
Жапырақ боп құлап кеткім келеді,
Қарлығаш боп ұшып кеткім келеді...
Жүрегімде бақ пен қайғы астасып,
Жаныма гүл, мінезіме тас ғашық.
Жұбатады жапырақтар сипалап,
Жылатады жапырақтар қоштасып...
Көктем күтіп, күзім мені шақырад,
Ғұмырым бар: аспан және топырақ.
Сенесің бе?
Оу, көктемім, құстарым!
Жаным күзде, қауырсыным — жапырақ...



Пікірлер (0)

Пікір қалдырыңыз

Бұлт жамылған Ай

  • 0
  • 0

Қараушы едім жанарыңа баласынып,
Өтті бәрі түс келді ғой таң асырып.
Жапырағын сұрап жатыр тіленші күз,
Жүрегімді іздеп жүрмін аласұрып.

Толық

Екі шың

  • 0
  • 0

Мұңды сүйер, мұң көтерер ер деген...
Жан-жүйкеңді жыр әлемі кернеген.
Ғашығың бар, жан досың бар, мұңың бар,
Бай адамды сен секілді көрмегем.

Толық

Сен жайлы соңғы өлең

  • 0
  • 0

Бәрі бітті...
Жылама, жыламаспын менде енді,
Мен келмеймін сол баққа, сен де сәулем келме енді.
Сұрқай күздің жөтелі үрледі ғой сезімді,

Толық

Қарап көріңіз

Пікірлер