Жазсам ба - жазбайын ба? – Ержан Қабышұлы Қабанбай

Жазсам ба - жазбайын ба?
Келемін қалай ымға.
Оқталып - қалтарам көп,
Бейнеңе қараймын да.
Кім сені ұнатпасын,
Кім сені құмарпасын?
Оянар ұшқыр сезім
Жүректің талайында.

Жүзіп ең қай айдында,
Түн өтті талай мұңда.
Сен мені дәл өзімдей
Сағынып сарғайдың ба?
Жайнады пәс көңілім,
Бақытты әсте өмірім,
Қуанып жүрмін іштей
Келдің сен май айында…

Сыр ашпай қалайын ба,
Қамалып сарайымда,
Бір ауыз сөзге келмей
От болып жанайын ба?
Жасырын ғашық болдым
Көңілім тасып-толдым
Не істесем болады екен?
Жазсам ба - жазбайын ба?

Бура-Найман