Өкпелеп өткенге-кеткенге – Ержан Қабышұлы Қабанбай

Өкпелеп өткенге-кеткенге
Өштеспе, жек көрме, кектенбе.
Өмір ғой, ақылдым, қайтесің,
Өкпешіл бақытқа жеткен бе?

Бол ашық, мейірбан, ақкөңіл,
Бес күндік бір жалған, - депті өмір.
Көпшіл бол, жомарт бол, адал бол,
Көппенен көтерген жүк жеңіл.

Сөз қума, ұрыспа, дауласпа,
Өзіңді тыя сал әу баста.
Өліспей беріспес өктемшіл,
Аулақ жүр ешкіммен жауласпа.

Ойланбай жасама еш кесім,
Соңында қалмайды өз көшің.
Өзгенің кір іздеп сыртынан -
Өзіңнің қадірің кетпесін.

Бура Найман