Өлең, жыр, ақындар

Асау жүрек тулайды сені көрсе

  • admin
  • 19.11.2024
  • 0
  • 0
  • 664
Асау жүрек тулайды сені көрсе,
Жүрер едік жұптасып жөні келсе.
Алшақ кеттік, тағдырдың бұйрығына
Қайран жүрек көнбейді көңіл көнсе.
Аппақ жүзің көзіме елестейді,
Сәтті елес ем болар кеңес дейді.
Ұмытар ем өзіңді, көркіңді де,
Ешбір әнші бір саған теңеспейді.
Айта алмадым сырымды жас шағымда,
Қағып кетті бір пысық қас қағымда.
Қай қияға кетсең де, бір мен үшін
Жұлдыз болып қалдың сен аспанымда.
Іздеп келсең ауылыма тойлы күні,
Сағынышты әніңнің жойды үні.
Бір көрудің өзі де бақыт екен,
Махаббаттың құшаққа толды гүлі.
Болдың тойлы қонақтар көш басында,
Ел тамсанды, асқақ ән тоқтасын ба?!
Суық хабар отырмын естіп бүгін,
Келіпсің ғой бір көріп қоштасуға.

2012.
Астана



Пікірлер (0)

Пікір қалдырыңыз

Туған ел көріністері

  • 0
  • 0

Туған ел көріністері
Теңесем туған елді ақ қайыңға,
Демеймін ескі әдепті сақтайын да.
Кәкімбек Салықов

Толық

Жанымды жалған сөзге жалдай алман

  • 0
  • 0

Жанымды жалған сөзге жалдай алман
Болмапты қайсымызда қандай арман?
Махаббат сәтті­сәтсіз кезін айтпай,
Кәкімбек Салықов

Толық

Жезкиікпен сырласу

  • 0
  • 0

Жезкиікпен сырласу
Балғын күнде бал жүзіңе табындым,
Көптен көрмей, енді есімнен жаңылдым.
Кәкімбек Салықов

Толық

Қарап көріңіз