Кәкімбек Салықов

Гүл қойдым

Бұл бетте «Гүл қойдым» атты Кәкімбек Салықов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

admin
19.11.2024
0
0
444

Памирді көріп орындалды тосқаным,
Қарлы құздар сияқтанды отжалын.
Шыңдардан да шындықты биік ұстаған
Рудакиге тағзым еттім, достарым.
Шақырған жоқ Панжруд ұлқыздары
Не Памирдің көк тіреген құздары.
Шапқылаған тау өзені айтқандай,
Сілтеу салды Рудаки өткен із бары.
Асу бермес кешіп көр тау арасын,
Іздеп келдім адамзаттың данасын.
Оның жыры – ақиқаттың жалауы,
Оқыған жан ойға салар санасын.
Парсы жыры көтерілсе шашбауы,
Рудаки ғой рубаилардың бастауы.
Ақындықтың аталды «Адам Атасы»,
Оның жыры – зұлымдықтың хас жауы.
Дана өлді деген ойды шын жойдым,
Тәубе деймін, бастауындай бұл тойдың.
Тағзым етіп, барша қазақ атынан
Рудакидің зиратына гүл қойдым.

29.09.1983.
Панжруд-Пенджекент

Кәкімбек Салықов гүл қойдым Кәкімбек Салықов өлеңдері

Пікірлер (0)

Пікір қалдырыңыз

Жиі қойылатын сұрақтар