Қыз - аманат

Сұлу жүз, нәзік, қорғансыз,
Баладай таза пәк болмыс.
Қазақтың қызын қорлама,
Қыз деген - ұлттық ар-намыс!

Лап ете қалса құмарлық,
Көз қадай берме тым аңдып.
Үміт сыйлама алдамшы,
Қыз деген  - Ана, қыз  - бақыт!

Қыз деген  - ауыр аманат,
Аманатқа етпе қиянат.
Азамат болсаң шынайы,
Келтірме қызға жаманат.

Мейірімге мұқтаж қыз деген,
Арбама оны сөзбенен.
Мәңгіге неке қимасаң,
Ойнаушы болма сезіммен!

Жүрегін қыздың мұздатпа,
Тағдырын салып қылжаққа.
"Зина - ол қарыз" қайтатын,
Қарындас, әпке, қызыңа!

Гүлмекен Қасенбайқызы
11.01.2025
Сағ: 00-52.

---