Құдаларға қоржын ашу өлеңі – Гүлмекен Қасенбай

Ал құдалар, құдалық құтты болсын,
Ортамызда екі жас аман болсын!
Қыз өсіріп, құлпыртып бізге ұзатқан,
Құда мен құдағиға разы болдым!

Екі жас бақыт тапсын қос өмірде,
Ұрпағы мәшһүр болсын күллі әлемге!
Текті, сыйлы, дәулетті әулет болып,
Айналсын берекелі ата-әжеге!

Құдалық, киіт тоғыз - ата жолы,
Сый-құрмет құдаларға жабар тоны.
"Орамал - тон болмайды" - десе-дағы,
Естелік болсын тойдан бір кәделі.

Ашайық сый қоржынды тоғыздатып,
Құдалар келіңіздер бермен жақын.
Құдамызға жағалы шапан жауып,
Құдағиға берейік алтын тағып!