Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Сырлас ән

Сырбай Мәуленов

Сырлас ән

  • 07.02.2016
  • 0
  • 0
  • 2518
Ерте тұрып жолазықты мол алып,
Таңмен бірге қызғалдақты қыр асам.
Көңіліме өз-өзінен оралып,
Меніменен жол шегеді сырлас ән.
Салып соның әуеніне ыңылдап,
Жер бетіне жазамын мен жырымды.
Құлағыма әлдене деп сыбырлап,
Әкеледі ол жұмбақ сырлы бір үнді.
Сол бір үнді қайталайды далада,
Ұйып тыңдап мөлдірейді жазда түн.
Қанат қақпай қалықтайды ауада,
Сол ән менің жан тынысым, ләззатым.
Тұла бойым бір суынып, дірілдеп,
Құлшына кеп қиял құлаш ұрғандай.
Мені сүйген бір қара көз күлімдеп,
Сол бір әннің тасасында тұрғандай.

Cырбай Мәуленов өлеңдері Сырлас ән өлеңі

Пікірлер (0)

Пікір қалдырыңыз

Жастық

  • 0
  • 0

Сырыңды ұғып сұлу терек,
Қалды ізің тас, құзда да.
Сенің бейнең тұр күлімдеп,
Жас жігіт пен жас қыздарда.

Толық

Рауанды таңдар

  • 0
  • 0

Қиялым желдей,
Көңілім көлдей,
Оған жаңбырлар жауып жатады,
Қар жауады, мұз қатады,

Толық

Бестау

  • 0
  • 0

Бір ананың ер жеткен,
Бес отау боп бес ұлы.
Көп қиялды тербеткен,
Бестау — оның есімі.

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер