Өлең, жыр, ақындар

Ашхабадтағы Ленин ескерткіші

  • 07.02.2016
  • 0
  • 0
  • 2249
Жел күрсініп,
Жер сілкініп,
Тау жалынын шашқанда.
Ашхабадты
Тастан қатты
Зіл топырақ басқанда.
Жер шатынап,
Шөлді атырап,
Түскенінде аунақшып.
Талайларды,
Сарайларды
Жатқанында тау қақшып
Тұрды Ленин
Дүниенің
Діңгегіндей бір өзі.
Тау жарылса,
Аударылса
Саспайтын сол мінезі.
Өрт жалақтап,
Жұрт алақтап,
Түн ішінде қашса құт.
Тұғырында,
Бір орында
Тұрды ол бәрін басқарып
Әмірінде,
Ауыр күнде
Болды оның бар алап.
Жас, қария
Сасқанында,
Қалды оны паналап.
Алаңдағы,
Ала алмады
Ескерткішті жел долы.
Мәңгілікке,
Ар-үмітке
Соққан еді ел оны.



Пікірлер (0)

Пікір қалдырыңыз

Сыр бойында күн жауын

  • 0
  • 2

Қып-қызыл оттан өрілген,.
Найзағайдың қамшысы.
Меруерттей саулап төгілген,
Жаңбырдың жеңіл тамшысы.

Толық

Қазақ тілі

  • 0
  • 0

Орта жолда бүріп тастап оқ құзғын,
Құлап жаттым құшағында көк мұздың,
Қасіретімді —қазақ тілін қанат қып,
Төрт бұрышты дүниеге жеткіздім.

Толық

Алатау

  • 0
  • 1

Жұлдыздарға тіреп қойып асқарын,
Бұлақтармен жазып өмір дастанын,
Бүкіл қазақ кеудесіндей Алатау —
Күншығыстың көтеріп тұр аспанын.

Толық

Қарап көріңіз