Сыпайылық

(Скромность)
Еркетай, қоңыр желемік,
Еркеме соқсаң егерде,
Күрсінгендей сыбырла,
Кімдікі десе, — үндеме.

Ойнақты, тұнық бұлақша,
Жолықсаң еркеме егерде,
Бетіне жастай сорғала.
Кімдікі десе, — үндеме.

Жайдары, шуақ күнікей,
Еркеме түссең егерде,
Күйдіре қарап, сеп сәуле.
Кімдікі десе, — үндеме.

Қараңғы жым-жырт тоғайшық,
Қойныңа еркем кіргенде,
Бұтақпен төсін қытықта.
Кімдікі десе де үндеме.

Аударған: Ілияс Жансүгіров