Өлең, жыр, ақындар

Үнсіздік

  • 07.02.2016
  • 0
  • 0
  • 3791
(Мұхтар Әуезов қабірінің басында)
Ұлы деп мәңгі-бақи аталатын,
Аяулы жанның іштей атап атын.
Басында қабірінің тұр халайық
Үн-тілсіз білдіріп өз махаббатын.
Тұнжырап тұр айнала қорған үнсіз,
Гүл үнсіз, бұлбұл үнсіз, орман үнсіз.
Ардагер азаматтың қабіріне
Құйылған шар тараптан жолдар үнсіз.
Болса да тыныс бітіп тұншығардай,
Тұр тілсіз достары да үн шығармай.
Ол үнсіз, қиялы үнсіз жатыр ұйықтап,
Қиялға құлаш ұрып құлшына алмай.
Мөп-мөлдір құйып алып талай мұңды,
Үнсіздік терең тартқан бар қайғыңды.
Үнсіздік әрі сонша салтанатты,
Үнсіздік селк еткізер әрі айбынды.
Қарауыл қойып әркім дыбысына,
Айтпай-ақ көңіл күйін ұғысуда.
Сөздерден мың есе артық қуат бардай
Үн-тілсіз жұрттың осы тұрысында.
* * *
Алпыста Жақан көңілді,
Баяғы бала қалыпта.
Аралап Әйет, Тобылды,
Жүргендей Қарабалықта.
Осындай онда жас жаны,
Болса да қырықтың бесінде.
Даладай ұзақ дастаны,
Қалыпты жұрттың есінде.
Айыру қиын Жақаннан
Өмірдің қырық пен алпысын.
Серісі елдің атанған
Ақын бір бала халық үшін.



Пікірлер (0)

Пікір қалдырыңыз

Қыз арманы

  • 0
  • 0

(Баллада)
Қасірет басып қарт көңілден ақты үміт.
Жалғыз қызы өліп жанын жапты ымырт.
Іштей аяп елжіресіп тұрса да,

Толық

Балалық туралы баллада

  • 0
  • 0

Оның әкесі соғыста өлді,
Қайыспас қара болаттай төзімді еді.
Ал шешесі жалғыз ұлын арқалап,
Жаудан қашып келе жатқан кезінде өлді.

Толық

Діріл

  • 0
  • 0

Дірілдейді таулардан
Атылып тас бұлақтар.
Дірілдейді жағада
Жайқалып жас құрақтар.

Толық

Қарап көріңіз