Өлең, жыр, ақындар

Ленин суреті

  • 07.02.2016
  • 0
  • 0
  • 2224
(Баллада)
Жүрген бұлдыр қиялдың жетегінде,
Қуып тығып жауды өз мекеніне,
Біздің әскер жеңіспен жетті келіп,
Вайнтерг көлінің етегіне.
Жаны шығып, жаралы жау ашынып,
Шабуылға он шықты аласұрып.
Көл күңіреніп шайқалды көбік шашып,
Екі жақтан зеңбірек таласа ұрып.
Жер шеңберін таба алмай адасқандай,
Аспан көлдей, боп кетті көл аспандай.
Қызыл-жасыл ажалдың көздеріндей,
Зуылдады оқ топан толастамай.
Қара дауыл бомбалар бұрқыратып,
Зіркілдеді зеңбірек күн-түн атып.
Көлдің үсті көк түтін қара толқын
Көлге көктің кеткендей бұлты батып.
Жер бетіне қақ тұрды қан соқтадан,
Бастырмады біздің жақ қоршап қадам.
Жау шебінен бөлініп келе жатты
Жауған оқтың астында он шақты адам.
Зеңбірекке әзірлеп орын салып,
Тұрды ерлер сол топтың жолын бағып.
Көтерді алда келе жатқан бірі
Ленин суретін қолына алып...



Пікірлер (0)

Пікір қалдырыңыз

Адам қуаты

  • 0
  • 0

Бұлақтар таудан құйылса,
Күлкісінде сен барсың.
Ормандар жазда шайқалса
Жапырағында сен барсың.

Толық

Өлім мұнарасы

  • 0
  • 0

Бұхарада мұнара
Қаһарлы хан соқтырған.
Елге апат боп бұл ара,
Болған онда кеп құрбан.

Толық

Шипа бұлақ

  • 0
  • 0

(Баллада)
Мылтық даусы шайқады таңды тұнық,
Айнала тау жөнелді жаңғырығып.
Ет қызумен жарасын абайламай

Толық

Қарап көріңіз