Сталин

Ол — егуші өмірдің игілігін,
Ғасырлардың арылтып ауыр жүгін.
Ол — керемет майданның жеңушісі,
Бақытсыздық, азапты жоятұғын.

Көсем ісі — ерліктің шежіресі.
Көсем сөзі — жеңістің өнегесі.
Көсем аты — халыққа тасқын қуат,
Ойға сәуле, жанға рух, күн сәулесі.

Нұрландырып адамзат болашағын,
Ол — өмірдің жағушы шамшырағы.
Әлемге ашқан ізгілік ғылымдары,
Жүрекке нәр, өмірдің бал бұлағы.

Ол — әлемге мейірімді, махаббатты,
Жаңартушы тарихты, табиғатты.
Асулардан қия-құз алға бастап,
Жетелеуші бақытқа адамзатты.

Ол — тұтқасы өмірдің-станоктың,
Сызып отыр жоспарын келешектің.
Қартаймасын, жасасын жаспен бірге,
Тілегі сол сұраған миллион көптің.