Бұрғышы

Өзегін тастың үзгендей,
Үңіле түсіп бұрғышы.
Жүрегін қатты тілгендей,
Сүңгіді тасқа бұрғысы.

Қара тас бусап шытынап,
Қабырғасы сөгілді.
Ағысындай өзеннің
Лықсып бір төмен төгілді.

Бұрғының үні басқандай,
Көмір мен тастың күйіне.
Беріле қойын ашқандай,
Төгілді кен үйіле.

Бесжылдықтың жоспарын,
Орындады бұрғышы.
Бұдан да артық халқымның
Гүлденсін деп тұрмысы.