«Қазақ» деген қаны таза жұрнағым!

Айтам саған ағымнан қуанып шын,
Нар қазақпын жасырмайтын қуанышын.
Тарих саған жүгін артты, себебі,
Тәуелсіз таңнан жаралған ұланысың.

Өз ғасырың өзіңнің иініңде,
Өзгелерден өзгеше күйің мүлде.
Іздегенің білім, ғылым, өнер болса,
Тәңірден «сана бер»деп сыйын күнде.

Бұл жастарда асыл арман таусылған ба?!
Орындалмай қалса да жасыған ба?!
Еңбек ет те, терің төк ер еліңе
Өмір сүрсін мәңгілік жасыл маңда!

Мен сені құттықтаймын азат өрен,
Мендегі «ғасыр рухты» саған берем.
Үкідейін «жеңіл» болса ақ үмітім
Соншалықты мағынасы маған терең

Осы күні өз-өзімді баса алмадым,
Жо...жоқ өксік емес қақалғаным.
Кешегінің күңіренген қабағы жоқ,
Бұл менің қуаныштан жас алғаным.

Құтты болсын ертеңім, келешегім.
Болашақтың саған көп берешегі.
«Мәңгілік Ел» деп сенім артып өзіңе
«Нұрлы жолда» Елбасының көп есебі.

Дархан елді «жасыл» етіп құрмағым,
Сен үшін бауырым, туыс, ұрпағым!
Шексіз бол, тамырды тереңге жай,
«Қазақ» деген қаны таза жұрнағым!



Бимырзаева Әсел Маханбетқызы,
Түркістан қаласы,
№17 Ататүрік атындағы мектеп-гимназиясының мұғалімі.

---