Үйім – Бақберген Арысланбаев

Үйім - далам,
Далада жер басып жүремін мен,
Көрмегенім көп болса да көрерімнен.
Қазақтың əр тасын сүйіп өтем,
Ала алсаң суырып ал жүрегімнен.

Үйім - елім,
Елім барда далада қалмаспын мен,
Қасиетінен айналдым қанға сіңген.
Өзімді өсірген қасиетті елдің
Мен үшін де құндылығы болмас бөтен.

Үйім - халқым,
Халқыммен тым жақсы күн кешемін,
Күн кешемін, халқыммен үндесемін.
Осылардың арқасы ақ пейілім,
Əйтпесе дəл бұлай жүрмес едім.