Корейская косметика премиум класса

Әділетсіздік


Анда барсаң шындық жоқ,
Мында барсаң шындық жоқ.
Ақ көгершін – қарға боп
Ақ сұңқарым – құзғын боп!
Жатқандарға қараймын,
Жаным ашып, шыр – пыр боп.

Анда барсам өтірік,
Мында барсам өтірік.
Берекені барады
Бейберекет кетіріп.

Анда барсам адасқан,
Мында барсам адасқан.
Адасқанға қарайды
Алакөздеп ақ аспан
Ақ аспаным тап – таза
Адасқаным қай аспан?

Сенің көзің соларда,
Менің көзім санамда.
Соны іздеймін санамнан
Соны соқпақ табам ба?
Тауып кетсем бақытым,
Таба алмасам шөліркеп
Адасумен қаламда.


Қарап көріңіз


×